ბზვანის ადმინისტრაციულ ერთეულში ბზვანის, დაფნარი-ვანი-ბაღდათის მაგისტრალთან დამაკავშირებელი გზის რეაბილიტაციის მეორე ეტაპი მიმდინარეობს.
აღნიშნულ გზაზე განხორციელებული სამუშაოები ვანის მუნიციპალიტეტის მერმა ალექსანდრე გოგორიშვილმა და მერის პირველმა მოადგილემ გონერი მეფარიშვილმა დაათვალიერეს.
ბზვანში საავტომობილო გზის 1700 მეტრიან მონაკვეთზე იგება ასფალტის შავი საფარი, რაზედაც რეგიონებში განსახორციელებელი პროექტების ფონდიდან 499 776 ლარი დაიხარჯება, სამუშაოებს ტენდერში გამარჯვებული კომპანია შპს. „GEORGIAN BUILD“ ახორციელებს.
