დღეს ვანის მუნიციპალიტეტის ლევან გერსამიას სახელობის კულტურის ცენტრში ლიტერატურული კონკურსის შემაჯამებელი ღონისძიება გაიმართა.
ღონისძიებას ადგილობრივი ხელისუფლების წარმომადგენლები, სკოლის მოსწავლეებიდა სხვა დაინტერესებული პირები ესწრებოდნენ.
აღნიშნული კონკურსი ვანის მუნიციპლიტეტის გამგეობის კულტურის, განათლების, სპორტის, ტურიზმის და ახალგაზრდულ საქმეთა სამსახურის ორგანიზებით 2016 წლის 20 იანვრიდან მიმდინარეობს და მისი მიზანია წერის ნიჭით დაჯილდოვებული მოზარდების წახალისება, ნიჭიერ ახალგაზრდა ავტორთა შემოქმედების წარმოჩენა, პოპულარიზაცია და ლიტერატურული პროცესების აქტივიზაციაში წვლილის შეტანა, რაც თავის მხრივ ხელს შეუწყობს ახალგაზრდებში შემოქმედებითი ნიჭის , უნარ–ჩვევების განვითარებას, და მათ რელიზებას საზოგადოებრივ ცხოვრებაში.
კონკურსი მოიცავდა ოთხ ნომინაციას 1.პოეზია ; 2.პროზა; 3.დრამატურგია და 4.საბავშვო ნაწარმოები.
კონკურსის მონაწილეთა ნაშრომების შეფასებას ახდენდა კომპეტენტური ჟიური. I-II-III ადგილზე გასულ კონკურსანტებს გადაეცათ პრიზები.
პირველი ადგილის მფლობელი თბილისის ივანე ჯავახიშვილის სახელობის სახელმწიფო უნივერსიტეტის სტუდენტი თეკლა ერემეიშვილი გახდა.
მეორე ადგილს ქუთაისის აკაკი წერეთლის სახელმწიფო უნივერსიტეტის სტუდენტი ლევან გოგაბერაშვილი დაეუფლა.
მესამე ადგილი კი ქ. ვანის N1 საჯარო სკოლის X კლასის მოსწავლე მათე კანკაძემ და სოფელ ყუმურის საჯარო სკოლის XI კლასის მოსწავლე მარიამ ჯულაყიძემ გაინაწილეს.
როგორც გამგეობის კულტურის, განათლების, სპორტის, ტურიზმის და ახალგაზრდულ საქმეთა სამსახურის უფროსმა ირაკლი ჭაფოძემ აღნიშნა: – კონკურსი მომავალშიც გაგრძელდება და უფრო მასშტაბურ სახეს მიიღებს.
დღევანდელ კონკურსში გამარჯვებული ნაშრომები ადგილობრივ პრესაში გამოქვეყნდება.
