ფერეთას ადმინისტრაციულ ერთეულში სტიქიის სალიკვიდაციო სამუშაოები ინტენსიურად მიმდინარეობს

ვანის მუნიციპალიტეტის ფერეთას ადმინისტრაციულ ერთეულში სტიქიის სალიკვიდაციო სამუშაოები რამდენიმე დღეა ინტენსიურად მიმდინარეობს.

სოფელ ფერეთაში სტიქიის შედეგების სალიკვიდაციოდ გამოყოფილი 419 400 ლარიდან 65 დასახელების სამუშაო შესრულდება.

სოფელში მობილიზებულია სპეციალური ტექნიკა ,მიმდინარეობს გზის დახრეშვის და მოასფალტების სამუშაოები .

ვახტანგაძეების საუბნო გზაზე  ბეტონის საფარის მოსაწყობად  32 000 ლარი დაიხარჯა.

გზის მოასფალტების სამუშაოები მიმდინარეობს ასევე ზალიკიანების საუბნო გზაზე, რომელიც უახლოეს დღეებში დასრულდება. აღნიშნული გზის საპროექტო ღირებულება 15 000 ლარს შეადგენს .

გზის მოასფალტების სამუშაოებს ფერეთაში შპს „გორკემი“ ახორციელებს.

ფერეთაში ალავიძეები – დიაკონიძეების უბანში სტიქიის შდეგად დანგრეული ხიდის სარეაბილიტაციო სამუშაოების განსახორციელებლად  70 000 ლარი დაიხარჯება.

სამუშაოებს  ხიდმშენი კომპანია შპს „ზიმო“ახორციელებს.

აღნიშნული სამუშაოების პარალელურად სოფელ ფერეთაში მოეწყობა 12 საბოგირე გადასასვლელი ,10 ცხაური, შეკეთდება სტიქიის შედეგად დაზიანებული  საუბნო გზები და ამოიწმინდება სანიაღვრე არხები.

როგორც სპეციალისტები აცხადებენ ფერეთაში მიმდინარე სამუშაოები ვადების დაცვით ,ხარისხიანად ხორციელდება.