ფესტივალ “სულიკო 2015”-ის მეორეადგილოსანი, ტრიო “იმერეთი” გახდა

11 ოქტომბერს ქალაქ ზესტაფონში გამართულ ვარინკა წერეთლის სახელობის ქართული სიმღერის ფესტივალზე ,,სულიკო 2015″ , რომელიც მოიცავს მთელს იმერეთის რეგიონს,ვანის მუნიციპალიტეტის შუამთის კულტურის სახლთან არსებული ტრიო ,,იმერეთი”, (ხელმძღვანელი-იური კორძაძე) მეორე ადგილის მფლობელი გახდა და მიენიჭა შემოქმედებითი გაერთიანება ,,გამა+” -ის “რჩეული” ანსამბლის წოდება.
ფესტივალის მიზანს წარმოადგენს ქართული სიმღერის პოპულარიზაცია, განსაკუთრებით კი ისეთი ჟანრების როგორიცაა: ქართული ხალხური სიმღერა, საეკლესიო გალობა,ლირიული და ქართველ კომპოზიტორთა მიერ შექმნილი ქალაქური სიმღერები.
ვანის მუნიციპალიტეტის გამგეობა ულოცავს ტრიოს “იმერეთი” ამ მნიშვნელოვან წარმატებას და შემოქმედებით წინსვლას უსურვებს.