დღეს საქართველოს პრემიერ-მინისტრი გიორგი კვირიკაშვილი,ვიცე-პრემიერი კახი კალაძე,იმერეთის გუბერნატორი გივი ჭიჭინაძე,ვანის გამგებელი ზაზა ხურციძე,ცენტრალური,რეგიონული და ადგილობრივი ხელისუფლების სხვა წარმომადგენლებთან ერთად სოფელ სულორში იმყოფებოდნენ სადაც ძლიერი წვიმის შედეგად ადიდებულმა მდინარე სულორმა საავტომობილო გზის მონაკვეთი მოანგრია და ათეულობით ოჯახი გარესამყაროს მოსწყვიტა.
ხელისუფლების წარმომადგენლებმა ადგილზე შეაფასეს სიტუაცია ,პრემიერს აღდგენითი სამუშაოების მიმდინარეობის შესახებ ინფორმაცია ვანის მუნიციპალიტეტის გამგებელმა დეტალურად გააცნო,რის შემდეგაც გიორგი კვირიკშვილმა შესაბამის სამსახურებს სტიქიის შედეგების სალიკვიდაციო სამუშაოების მაქსიმალურად მოკლე ვადებში დასრულება დაავალა.
შეგახსენებთ რომ რამოდინიმე დღის მანძილზე მოსული ძლიერი წვიმის შედეგად ვანის მუნიციპალიტეტის ტერიტორიაზე ადიდებულმა მდინარეებმა ადილობრივი მოსახლეობა დააზარალა ,დაზიანდა ინფრასტრუქტურა,სოფელ სულორში ადიდებულმა მდინარე სულორმა გზის სავალი ნაწილი მოანგრია .ხიდი ჩაინგრა ასევე ქ.ვანში ტაბიძე-ბაგრატის და სანაპიროს ქუჩების დამაკავშირებელ გზაზე.
გადაუღებელი წვიმის გამო დაიტბორა ნათესები,ჩაინგრა საბოგირე გადასასვლელები და მდინარეზე მოწყობილი დამცავი ჯებირები, წყალი შევიდა ადგილობრივი მაცხოვრებლების სარდაფებსა და პირველ სართულებზე.
გასული დღეების მანძილზე გამგებელი ზაზა ხურციძე 24 საათიან რეჟიმში მოადგილეებთან და ინფრასტრუქტურის სამსახურის წარმომადგენლებთან ერთად სტიქიის ზონაში იმყოფება და პირადად ეცნობა ადგილობრივების მდგომარეობას.
შექმნილია სპეციალური შტაბი, გამგეობაში გამოყოფილია მობილური ჯგუფები რომლებიც ყველა სოფელში სტიქიით გამოწვეულ ზარალს ითვლიან.
როგორც გამგეობის ინფრასტრუქტურის სამსახურში აცხადებენ ორშაბათისთვის უკვე ზარალის ზუსტი რაოდენობა იქნება ცნობილი.
სტიქიის ზონაში მობილიზებულია ტექნიკა.ამ დროისთვის ყველა ცენტრალური საავტომობილო გზა გაწმენდილია და მთელი მუნიციპალიტეტის მასშტაბით ინტენსიურად მიმდინარეობს სტიქიის სალიკვიდაციო სამუშაოები .
