სოფლის მხარდაჭერის პროგრამის მიმდენარეობის ფარგლებში, დღეს გორას და უხუთის ადმინისტრაციული ერთეულის მოსახლეობასთან პრიორიტეტების დაგეგმვის მიზნით კიდევ ერთი შეხვედრა გაიმართა.
შეხვედრას ვანის მუნიციპალიტეტის გამგებლის პირველი მოადგილე ლაშა გიორგაძე, გამგებლის წარმომადგენლებთან კოორდინაციის განყოფილების უფროსი ავთანდილ ხელაძე, საკრებულოს დეპუტატები და ადგილობრივი ხელისუფლების სხვა წევრები დაესწრნენ.
გორას ადმინისტრაციულ ერთეულში მთავარ პრიორიტეტს შიდა საუბნო გზების მოწესრიგება წარმოადგენს, ასევე სოფელში დგას გაზიფიცირების პრობლემა. ამასთან დაკავშირებით გამგებლის მოადგილე ლაშა გიორგაძე ადგილობრივებს დაპირდა რომ უშუამდგომლებს კერძო კომპანიასთან, რომელიც უშუალოდ აწესრიგებს გაზიფიცირების საკითხებს. „რაც შეეხება შიდა გზებს, ამ კუთხით განიჭებთ სრულ თავისუფლებას,რომ თავად გადაწყვიტოთ სოფლისთვის გამოყოფილი თანხით რის გაკეთებას დაგეგმავთ,ადგილობრივი ხელისუფლება სრულად დაგემორჩილებათ და შესაბამისი სამსახურები მოახდენს თქვენს მიერ განსაზღვრული პრიორიტეტების განხორციელებას.“ -განაცხადა ლაშა გიორგაძემ.
დღესვე ადგილობრივ მოსახლეობასთან შეხვედრა გაიმართა უხუთის ადმინსტრაციულ ერთეულში. შეხვედრაზე განიხილეს სოფელში არსებული პრობლემები და იმსჯელეს მათი გადაჭრის გზებზე. სოფელ უხუთში მთავარ საკითხს ცენტრალური საავტომობილო გზის რეაბილიტაცია , საბავშვო ბაღის ახალი შენობის აგება და 2 საბოგირე გადასასვლელის მოწყობა წარმოადგენს.
„ მოსახლეობასთან საუბარში ლაშა გიორგაძემ აღნიშნა – „როგორც ყველა დანარჩენ სოფელში ,მათ შორის აქაც, ადგილობრივები თავად გადაწყვეტენ რის გაკეთებას დაგეგმავენ სოფლისთვის გამოყოფილი თანხით. სოფლის მხარდაჭერის პროგრამის მიზანიც სწორედ ესაა, რომ გავზარდოთ მოსახლეობის ჩართულობა ადგილობრივი ხელისუფლების მუშაობაში.“
