ვანის მუნიციპალიტეტის მასშტაბით სტიქიის სალიკვიდაციო სამუშაოები ინტენსიურად მიმდინარეობს.
სოფელ ციხესულოში სარეაბილიტაციო სამუშაოების მიმდინარეობის პროცესი დღეს გამგეობის ზედამხედველობის და არქიტექტურის სამსახურის უფროსმა ბესარიონ ახვლედიანმა დაათვალიერა.
სტიქიის შედეგების სალიკვიდაციოდ სოფელ ციხესულორს 237 400 ლარი აქვს გამოყოფილი, რომლითც სოფელში 42 დასახელების სამუშაო უნდა შესრულდეს.
სოფელში მობილიზებულია სპეციალური ტექნიკა, სოფლის ცალკეულ უბნებში გზის დახრეშვის და არხების ამოწმენდის სამუშოები ინტენსიურად მიმდინარეობს.
ციხესულორში კორძაძეების სასაფლაოსთან მისასვლელ გზაზე ასფალტის საფარის მოსაწყობად 27 000 ლარი დაიხარჯება.
ასფალტის საფარი მოეწყობა ავალიანების უბანშიც, რომლის საპროექტო ღირებულება 43 000 ლარს შეადგენს.
ამასთანავე სტიქიის პროგრამით სოფელში გაიწმინდება სანიაღვრე არხები,მოეწყობა ბოგირები,ბეტონის გზები და რკინა-ბეტონის კიუეტები.
ციხესულორში მიმდინარე სამუშაოებს შპს „ევროტექნიკსი“ ახორციელებს
