ვანის მუნიციპალიტეტის მერიაში მერის წარმომადგენლებთან ადმინისტრაციულ ერთეულებში
ოთხშბათის ტრადიციული თათბირი ჩატარდა.
თათბირს ვანის მუნიციპალიტეტის მერის პირველი მოადგილე გონერი მეფარიშვილი, მოადგილე გოჩა ჭუბაბრია და მერიის ჯანმრთელობის დაცვის და სოციალურ საკითხთა სამსახურის უფროსი მიხეილ სვანაძე დაესწრნენ.
შეხვედრაზე ჯანდაცვის სისტემაში მიმდინარე საკითხებზე იმსჯელეს, კერძოდ მერის წარმომადგენლებს ადმინისტრაციულ ერთეულებში მიეწოდათ დეტალური ინფორმაცია 2019 წლის ჯანმრთელობის დაცვის სახელმწიფო და ადგილობრივი პროგრამების თაობაზე.
c ჰეპატიტის, აივ ინფექციის და ტუბერკულოზის ინტეგრირებული სკრინინგისა და წითელას მასიური გავრცელების პრევენციის მიზნით გასატარებელი ღონისძიებების შესახებ .
დაავადებათა ადრეული გამოვლენის მიზნით, სახელმწიფო ახორციელებს c ჰეპატიტის, ტუბერკულოზის და აივ ინფექციის ინტეგრირებულ სკრინინგის პროექტს, რომლის მიზანია აღნიშნული ინფექციების დროული გამოვლენის შესაძლებლობების განვითარება პირველადი ჯანდაცვის რგოლში და ამ მიზნით ადგილობრივ დონეზე სახელმწიფო /კერძო პარტნიორების მობილიზება და ამ დაავადებათა მართვის ხელშეწყობა.
პროგრამის მოსარგებლეები არიან 18 წელს ზემოთ ასაკის მქონე მოქალაქეები, პროგრამას განახორციელებს ვანის საზოგადოებრივი ჯანდაცვის მუნიციპალური ცენტრი და გამოკვლევები მოსახლეობისთვის იქნება უფასო.
საქართველოს მთავრობის განკარგულებით ,წითელას მასიური გავრცელების პრევენციის მიზნით ,ქვეყნის მასშტაბით განხორციელდება არაგეგმიური იმუნოპროფილაქტიკა წითელას კომპონენტის შემცველი ვაქცინით ვაქცინაცია ,იმუნიზაციის სტატუსის გათვალისწინებით,
1-წლიდან 19 წლამდე არასრულად აცრილი და ან აუცრელი პირების წითელას კომპონენტის შემცველი ვაქცინით ვაქცინაცია ,იმუნიზაციის სტატუსის გათვალისწინებით.
19 წლის და უფროსი ასაკის მოსახლეობის ვაქცინაცია წითელას კომპონენტის შემცველი ვაქცინის 1დოზით ,იმუნიზაციის სტატუსის მიუხედავად.
მერის წარმომადგენლებმა უნდა უზრუნველყონ ორგანიზებული ჯგუფების ჩამოყალიბება მათ სამოქმედო ტერიტორიაზე, არასრულად აცრილი ან აუცრელი პირების სამედიცინო დაწესებულებაში გადასაყვანად ან ორგანიზებული ამცრელი ბრიგადების მეშვეობით აღნიშნული პირების წითელას კომპონენტის შემცველი ვაქცინის 1დოზით ვაქცინაცია.
მიმდინარე წელს ცვლილებები შევიდა ვანის მუნიციპალიტეტის მერიის მიერ შემუშავებულ სოციალურ პროგრამებშიც და მას ორი ახალი პროგრამა დაემატა: „ძალადობის მსხვერპლთა დახმარების პროგრამა“ და „უსახლკაროთა დახმარების პროგრამა.“
აქვე გთავაზობთ ვანის მუნიციპალიტეტის მერიაში არსებული სოციალური პროგრამების სრულ ჩამონათვალს:
- მზრუნველობამოკლებულთა კვებით უზრუნველყოფის პროგრამა.
- სარიტუალო დახმარების პროგრამა.
- ახალშობისთა ოჯახების დახმარების პროგრამა.
- სტიქიით დაზარალებულთა დახმარების პროგრამა.
- სამედიცინო დახმარების პროგრამა
- დიალიზის სახელმწიფო პროგრამაში ჩართულთა დახმარების პროგრამა
- საბრძოლო მოქმედებებში დაღუპულთა ოჯახებისა და საბრძოლო მოქმედებების მონაწილე ,სოციალურად დაუცველ ვეტერანთა დახმარების პროგრამა.
- ჯანმრთელობის პრობლემების მქონე ბავშვების დახმარების პროგრამა.
- დღეგრძელთა (100 წლის და მეტის) დახმარების პროგრამა.
- მეორე მსოფლიო ომის, ჩერნობილის ატომური ელექტროსადგურის ავარიის სალიკვიდაციო სამუშაოების მონაწილეებისა და 9 აპრილს დაზარალებულთა დახმარების პროგრამა.
- მრავალშვილიანი ოჯახების დახმარების პროგრამა.
- მარჩენალგარდაცვლილ პირთა დახმარების პროგრამა.
- სტუდენტთა დახმარების პროგრამა.
- მკვეთრად გამოხატული შეზღუდული შესაძლებლობების მქონე პირების დახმარების პროგრამა.
- ძალადობის მსხვერპლთა დახმარების პროგრამა.
- უსახლკაროთა დახმარების პროგრამა.