მერიის სააქტო დარბაზში მერის წარმომადგენლებთან ადმინისტრაციულ ერთეულებში , ოთხშაბათის ტრადიციული თათბირი გაიმართა.
თათბირს მერის პირველი მოადგილე გონერი მეფარიშვილი უძღვებოდა.
შეხვედრას მერის წარმომადგენლებთან ერთად ა(ა)იპ ვანის კომუნალური გაერთიანების , სოფლის მეურნეობის სამინისტროს ვანის საინფორმაციო-საკონსულტაციო სამსახურისა და საგანგებო სიტუაციების მართვის სამსახურის ვანის ფილიალის ხელმძღვანელებიც ესწრებოდნენ.
შეხვედრაზე წარმომადგენლებს მიეწოდა ინფორმაცია ახალი რეგიონული ნაგავსაყრელის მშენებლობის შესახებ, რომელიც იმერეთის, რაჭა-ლეჩხუმისა და ქვემო სვანეთის 700 000-მდე მოქალაქეს მოემსახურება.
მყარი ნარჩენების მართვის საკითხებთან დაკავშირებით, მოსახლეობის ინფორმირებულობის ამაღლების მიზნით, მერის წარმომადგენლებს დღეს დაურიგდათ საინფორმაციო ბუკლეტები, რომლებიც სოფლებში ადგილობრივ მოსახლეობას გადაეცემათ.
ნარჩენების მართვის სფეროში ინერგება ევროპული მიდგომა ,რაც პირველ რიგში გულისხმობს ისეთი ნაგავსაყრელების მოწყობას, რომელიც იქნება ძალიან მაღალი გარემოსდაცვითი და ჯანდაცვის სტანდარტების.
2023 წლისთვის, ქვეყნის მასშტაბით, არსებულ, ძველ მუნიციპალურ ნაგავსაყრელებს, 8 ახალი რეგიონული ნაგავსაყრელი ჩაანაცვლებს. ამ პროექტების განხორციელებით გაუმჯობესდება რეგიონების საცხოვრებელი პირობები.
დღევანდელ შეხვედრაზე წარმომადგენლებმა მიიღეს ინფორმაცია ასევე თხილის კულტურის დაცვის ღონისძიებებთან დაკავშირებით.
გასულ კვირას ზუგდიდში თხილის მწარმოებელთა ასოციაციის მესამე კონფერენციაზე თხილის დაცვის პროგრამაზე იმსჯელეს, რომლის ფარგლებშიც სახელმწიფოს და ასოციაციის მონაწილეობით, შემუშავებულია კომპლექსური ღონისძიებების გეგმა, რომელიც მეთხილე ფერმერებს საშუალებას მისცემს თხილის დაცვის და მაღალი ხარისხის მოსავლის მიღების მიზნით, მავნებებლების და სოკოვანი დაავადებების წინააღმდეგ დროულად და ეფექტიანად ჩაატარონ აგროსამუშაოები, რათა თავიდან აიცილონ თხილის მოსავლის დაზიანება და ეკონომიკური ზარალი, თავის მხრივ, მეთხილეთა ასოციაცია, ასოციაციის წევრებს სთავაზობს შეღავათებს მომსახურებაზე: ნიადაგის გამოკვლევა, თხილის მოვლა-მოყვანისთვის აუცილებელი ტექნიკის გამოყენება, მოსავლის შრობა, სასუქებისა და პესტიციდების შესაძენად აგროკრედიტებზე ხელმისაწვდომობა.
სამუშაო შეხვედრაზე დღეს საუბარი შეეხო გახშირებული ტყის ხანძრების თემასაც .
გახშირდა შემთხვევები, როდესაც მოქალაქეები საკუთარ სასოფლო-სამეურნეო დანიშნულების მიწებზე, ტერიტორიის დასუფთავების მიზნით, წინა წლის მოსავლის ნარჩენებს წვავენ. ასევე ხშირად, მოქალაქეები ვეღარ ახერხებენ ცეცხლის შეკავებას და ხანძარი მასშტაბურ ტერიტორიებზე ვრცელდება. არის შემთხვევები, როდესაც დაგვიანებით ხდება სახანძრო-სამაშველო ჯგუფების გამოძახება.
პრევენციის მიზნით რეგიონების და მუნიციპალიტეტების მასშტაბით იქმნება სპეციალური ჯგუფები, რომლებიც ადგილობრივ დონეზე გააკონტროლებენ ხანძრების დამატებით ტერიტორიებზე გავრცელების რისკებს.
საგანგებო სიტუაციების მართვის სამსახური მოუწოდებს მოქალაქეებს, გამოიჩინონ მეტი სიფრთხილე და პასუხისმგებლობა, რათა მსგავსი შემთხვევების დროს, არ შეუქმნან საფრთხე ახლომდებარე დასახლებულ პუნქტებს, მინდვრებსა და ტყის მასივებს.
0(432) 22 10 34
