ვანის მუნიციპალიტეტის გამგეობაში კვირას 10 ივლისს ტელეკომპანია ობიექტივის ეთერით გასულ გადაცემაში „რეგიონული პოლიტიკა“ ვანის შესახებ მომზადებულ რეპორტაჟს პასუხობენ.
ადგილობრივ ხელისუფლებაში განმარტავენ რომ რადენიმე დღის მანძილზე ვანის მუნიციპალიტეტში მოსული ძლიერი წვიმის შედეგად მდინარე სულორის ადიდების გამო დატბორილი ავტოსადგური და ბაზრის მიმდებარე ტერიტორია უმოკლეს ვადებში იქნა გაწმენდილი . როგორც კი წყლის დონემ დაიწია მაშინვე დაიწყო გაწმენდითი სამუშაოები,რომელსაც გამგებლის პირველი მოადგილე ლაშა გიორგაძე პირადად ხელმძღვანელობდა .
აღნიშნული სამუშაოების შესახებ ინფორმაცია გამგეობის ოფიციალური ფეისბუქ გვერდის საშუალებით ეცნობა საზოგადოებას.
რაც შეეხება ტობანიერი -ყუმურის დამაკავშირებელ გზას ,ის ათწლეულების მანძილზე არ შეკეთებულა და წელს სწორედ რომ ადგილობრივი ხელისუფლების ინიციატივით პირველად დაიწყო მისი რეაბილიტაციის პროცესი.მთლიანი გზის რეაბილიტაციისთვის 2 მილიონ ლარზე მეტი თანხაა საჭირო, თანხა ძალიან დიდია ამიტომ აღნიშნული გზის რაბილიტაცია ეტაპობრივად ხორციელდება.
წელს დაიგო მთლიანი გზის ნაწილი 2.370 კმ, რისთვისაც რეგიონებში განსახორციელებელი პროექტების ფონდიდან 550 448 ლარი დაიხარჯა.
ეს გარდამავალი პროექტია, ეტაპობრივად გაგრძელდება მისი რეაბილიტაციის პროცესი და აუცილებლად მივა ლოგიკურ დასასრულამდე.
ეს თემაც ოპერატულად გაშუქდა გამგეობის ოფიციალური ფეისბუქ გვედის საშუალებით.
გადაცემის თემას გამგებელი ზაზა ხურციძეც ეხმიანება.
„სიუჟეტში მოყვანილ თემებთან დაკავშირებით,მოსახლეობის აზრთან ერთად კარგი იქნებოდა ჩემგან ან აღნიშნულ საკითხებზე პასუხისმგებელი პირებისგან მოესმინათ კომენტარი ,რადგან ჩვენ ოფიციალურ და დასაბუთებულ პასუხს გავცემდით მათთვის საინტერესო ყველა საკითხზე.“ აცხადებს გამგებელი
