ვანის მუნიციპალიტეტის გამგეობის სააქტო დარბაზში, არქეოლოგიური მუზეუმის რეაბილიტაციის ქვე -პროექტის, „ვანის არქეოლოგიური ძგლების დამცავი გადახურვა და ვანის მუზეუმ-ნაკრძალის ტერიტორიის აღდგენა გარემოზე ზემოქმედების მართვის გეგმა“-ს საჯარო განხილვა გაიმართა ,რომელსაც დაინტერესებულ პირებთან ერთად ვანის მუნიციპალიტეტის გამგებელი ზაზა ხურციძე დაესწრო.
თავისი მნიშვნელობით უიკალური ვანის მუზეუმ-ნაკრძალი 1981 წლის 21 აპრილს დაარსდა, 2006 წლიდან ის ეროვნული მუზეუმის ნაწილს წარმოადგენს, მუზეუმ-ნაკრძალი მოიცავს ვანის ანტიკურ ნასახლარს ,არქეოლოგიურ ბაზას და მუზეუმს.არქეოლოგიური აღმოჩენები ვანში მე-19 საუკუნის შუა პერიოდიდან იწყება ,პირველი არქეოლოგიური კვლევები და გათხრები ექვთიმე თაყაიშვილმა აწარმოა. არქეოლოგიური გათხრების შედეგად ვანში აღმოჩენილი იქნა ექსპონატების დიდი მრავალფეროვნება ,რომელიც ძირითადად ჩვენს წელთაღრიცხვამდე VII-I საუკუნეებით თარიღდება. სწორედ ეს უმნიშვნელოვანესი აღმოჩენები დაედო დაფუძვლად ვანის არქეოლოგიური ობიექტის მუზეუმ- ნაკრძალად აღიარებას .
რაც შეეხება ქვე-პროექტს, ის ითვალისწინებს ვანის არქეოლოგიური მუზეუმ-ნაკრძალის ტერიტორიის ინფრასტრუქტურის აღდგენას და კომუნალური მომსახურების საშუალების უზრუველყოფას. კერძოდ კი, ქვე-პროექტის ფარგლებში განხორციელდება საკონსერვაციო გადახურვის მოწყობა გათხრების შედეგად აღმოჩენილი 5 ძეგლისთვის და ვანის არქეოლოგიური მუზეუმის და არქეოლოგიური უბნის დამაკავშირებელი ხიდის რეაბილიტაცია. ტერიტორიაზე აგრეთვე მოეწყობა საინფორმაციო სტენდები , მოსასვენებელი სკამები და სანაგვე ურნები.
პროექტი ხორციელდება მუნიციპალური განვითრების ფონდის მიერ, მსოფლიო ბანკის ფინანსური მხარდაჭერით.
საქართველოს ეროვნული მუზეუმის მიერ შემუშავებული ვანის არქეოლოგიური ობიექტის აღდგენის ზოგადი კონცეფციის თანახმად ,სამუშაოები რამდენიმე ეტაპად განხორციელდება.
