ვანის მუნიციპალიტეტის მერმა ალექსანდრე გოგორიშვილმა, სოციალური პროგრამის ფარგლებში ვანში მცხოვრებ სამ უხუცეს ქალბატონს 1000-1000 ლარი გადასცა.
დღეგრძელთა დახმარების პროგრამა მუნიციპალური პროგრამების ჩამონათვალში ერთ-ერთია, რომელის ფარგლებშიც 100 და მეტი წლის ასაკს მიღწეულ მოქალაქეებს ადგილობრივი ხელისუფლების მიერ ყოველწლიურად 1000 ლარი გადაეცემათ .
აღნიშნული სოციალური პროგრამა ვანის მუნიციპალიტეტში 2015 წლიდან ამოქმედა და დღემდე პროგრამის ფარგლებში 100 წელს გადაცილებულ მოქალაეებზე ადგილობრივი ბიუჯეტიდან 27 000 ლარი გაიცა.
ვანის მუნიციპალიტეტის მერია უხუცეს ქალბატონებს ჯანმრთელობას და დღეგრძელობას უსურვებს .
