ვანის მუნიციპალიტეტის მერიის საკონფერენციო დარბაზში ,ქალთა საერთაშორისო დღისადმი მიძღვნილი ღონისძიება გაიმართა.
ვანის მუნიციპალიტეტის მერიისა და გენდერული თანასწორობის საბჭოს ერთობლივი ძალისხმევით, მუნიციპალიტეტის მასშტაბით სხვა და სხვა სფეროში მოღვაწე წარმატებული ქალბატონები დააჯილდოვეს.
ვანის მუნიციპალიტეტის მერმა ქალთა საერთაშორისო დღე მიულოცა და საჩუქრები გადასცა ვანის მუნიციპალიტეტში მოღვაწე უხუცეს ექიმს – ქალბატონ დულიკო ავალიანს, ყველაზე უხუცეს პედაგოგს – ქალბატონ ნუნუ ზარნაძეს, მუნიციპალიტეტის მასშტაბით ყველაზე წარმატებულ მეწარმე ქალბატონს – ქეთევან თომეიშვილს და 10 შვილის დედას – ქალბატონ ლალა ადეიშვილს.
ქალთა საერთაშორისო დღე მიულოცეს შეკრებილ საზოგადოებას საკრებულოს თავმჯდომარის მოადგილემ გიორგი ივანიაძემ და მერის მოადგილეებმაც.
დღევანდელ ღონისძიებაზე ქალთა უფლებების დაცვისა და გენდერული თანასწორობის საკითხებზე იმსჯელეს.
ქალთა საერთაშორისო დღეს მსოფლიოს მრავალ ქვეყანაში აღნიშნავენ. 8 მარტი ქალთა საერთაშორისო დღედ გაერომ 1975 წელს აღიარა.
გილოცავთ ქალთა საერთაშორისო დღეს!
