ვანის მუნიციპალიტეტში გალაკტიონ ტაბიძის 124 წლის იუბილე აღინიშნა

ვანის მუნიციპალიტეტში პოეზიის მეფედ აღიარებული დიდი ქართველი პოეტის გალაკტიონ ტაბიძის 124 წლის იუბილე აღინიშნა.
საზეიმო ღონისძიებებს იმერეთის მხარის გუბერნატორი გივი ჭიჭინაძე, ვანის მუნიციპალიტეტის გამგებელი ზაზა ხურციძე ,მუნიციპალიტეტის საკრებულოს თავმჯდომარე ალექსანდრე ლილუაშვილი, ასევე პარლამენტის წევრები, იმერეთის რეგიონის მუნიციპალიტეტების გამგებლები, სასულიერო პირები და საზოგადოების სხვა წარმომადგენლები ესწრებოდნენ.
გალაკტიონის იუბილეს აღნიშვნა პოეტის მშობლიურ სოფელ „ჭყვიშში“ დაიწყო, სადაც კულტურის ,სპორტის ,ტურიზმის და ახალგაზრდულ საქმეთა სამსახურის ორგანიზებით გაიმართა ლიტერატურული კომპოზიცია სახელწოდებით „არც უკვდავება არ არსებობს უსიყვარულოდ“. ღონისძიებაში წარმოდგენილი იყო გალაკტიონ ტაბიძის უკვდავი პოეზია და ამ პოეზიაზე შექმნილი სიმღერები. კონცერტში სხვა ნიჭიერ ვანელ ახალგაზრდებთან ერთად მონაწილეობდა აზერბაიჯანიდან ახლახანს დაბრუნებული შუამთის კულტურის ცენტრთან არსებული ტრიო „იმერეთი“ , რომელიც უამრავი ქართული თუ უცხოური მუსიკალური ფესტივალის მონაწილე და პრიზიორია.
ღონისძიების ბოლოს მოწვეულმა სტუმრებმა დაათვალიერეს გალაკტიონ ტაბიძის სახლმუზეუმი და ეწვივნენ ტიციან ტაბიძის მუზეუმსაც.
დღის მეორე ნახევარში ადგილობრივი თვითმმართველობის წარმომადგენლებმა მოწვეულ სტუმრებთან ერთად ქ. ვანის ახლადრეაბილიტირებულ კულტურის ცენტრში გადაინაცვლეს , სადაც შოთა რუსთაველის სახელობის დრამატული თეატრის მსახიობებმა წარმოადგინეს სპექტაკლი „მოხუცი ჯამბაზები“ . სპექტაკლმა მაყურებლის დიდი მოწონება დაიმსახურა.
დღესვე ქ. ვანის კულტურის ცენტრს კარლო საკანდელიძის სახელი მიენიჭა.
ცნობილი ქართველი თეატრის და კინოს მსახიობი კარლო საკანდელიძე დაიბადა ვანის მუნიციპალიტეტის სოფელ ზედა ბზვანში 1928 წლის 1 აპრილს. მისი პირველი კინოროლი „მაგდანას ლურჯა“-ში იყო სადაც მან ვანოს როლი შეასრულა, ფილმი მისი მონაწილეობით „კანის კინოფესტივალზე“- „ ოქროს პალმის რტოს“ მფლობელი გახდა. რუთაველის თეატრის სცენაზე მსახიობმა 61 წელი გაატარა, მას 50 კინოროლი , 80-მდე როლი კი თეატრში აქვს შესრულებული. 2008 წლის 23 აპრილს რუსთაველის თეატრთან კარლო საკანდელიძის სახელობის ვარსკვლავიც გაიხსნა.ის 2010 წელს 82 წლის ასაკში გარდაიცვალა.
დღის ბოლოს ქ.ვანის კარლო საკანდელიძის სახელობის კულტურის ცენტრში მოკლემეტრაჟიანი ფილმი იქნა წარმოდგენილი კარლო საკანდელიძის ცხოვრებასა და მოღვაწეობაზე.
დასასრულს ვანის მუნიციპალიტეტის გამგებელმა ზაზა ხურციძემ სცენიდან მიულოცა კულტურის ცენტრში შეკრებილ საზოგადოებას დღევენდელი დღე,მადლობა გადაუხადა რუსთაველის თეატრის მსახიობებს ,მოწვეულ სტუმრებს და ღონისძიების ყველა მონაწილეს .
საზეიმო ღონისძიებებს ვანის მუნიციპალიტეტის გამგებელი ზაზა ხურციძე ,მუნიციპალიტეტის საკრებულოს თავმჯდომარე ალექსანდრე ლილუაშვილი, იმერეთის მხარის გუბერნატორი გივი ჭიჭინაძე, ასევე პარლამენტის წევრები, იმერეთის რეგიონის მუნიციპალიტეტების გამგებლები, სასულიერო პირები და საზოგადოების სხვა წარმომადგენლები ესწრებოდნენ.