ვანის მუნიციპალიტეტში ჯგუფმა „არგო“-მ შეზღუდული შესაძლებლობის მქონე პირთათვის უფასო კონცერტი გამართა.

ჯგუფმა „არგო“-მ შეზღუდული შესაძლებლობის მქონე პირთათვის უფასო კონცერტი გამართა.
3 დეკემბერი შეზღუდული შესაძლებლობების მქონე პირების უფლებების თანასწორობისა და ღირსების დაცვის საერთაშორისო დღეა. ამ დღისადმი მიძღვნილი ღონისძიება ვანშიც გაიმართა. გამგეობის კულტურის, განათლების, სპორტის, ტურიზმის და ახალგაზრდა საქმეთა სამსახურის და ა(ა)იპ „კულტურის დაწესებულებების გაერთიანების ორგანიზებით ვანის ლევან გერსამიას სახელობის კულტურის ცენტრში ჯგუფმა „არგო“-მ უფასო კონცერტი გამართა მუნიციპალიტეტში მცხოვრებ შ.შ.მ. პირებისათვის. ჯგუფ „არგო“-სთან ერთად კონცერტში მიონაწილეობდნენ მომღერალი და მსახიობი ლაშა რამიშვილი და ანსამბლ „გორდელას სოლისტი თმარ ალადაშვილი.
კონცერტის დასრულების შემდეგ მუნიციპალიტეტის გამგებელმა ზაზა ხურციძემ შეზღუდული შესაძლებლობის მქონე პირებს ეს დღე პირადად მიულოცა. „მიმდინარე წელს ვანში 101 შ.შ.მ. პირმა ადგილობრივი ბიუჯეტიდან დაფინანსებული სოციალური პროგრამით 200 ლარიანი ერთჯერადი დახმარება მიიღო, ხოლო 18 წლამდე 31 ბენეფიციარმა 500 ლარიანი ერთჯერადი დახმარებით ისარგებლა, ასევე მუნიციპალიტეტის გამგეობის შენობასთან შ.შ.მ. პირებისათვის ადაპტირებული გარემოს შექმნის მიზნით პანდუსი მოეწყო,მუნიციპალიტეტში ყველაფერი კეთდება იმისატვის ,რომ განსაკუთრებული საჭიროების მქონე პირებმა საზოგადოების სრულფასოვან წევრებად იგრძნონ თავი და სლოგანი „მე არ ვცნობ შეზღუდვებს, ვირჩევ თანაბარ შესაძლებლობებს“ რეალურად განხორციელდეს ცხოვრებაში“-განაცხადა ზაზა ხურციძემ.