დღეს ვანის მუნიციპალიტეტის მასშტაბით მცხოვრებ 40 შეზღუდული შესაძლებლობების მქონე პირს ინვალიდის ეტლები უსასყიდლოდ გადაეცა.
ეტლების გადაცემის პროცესში იმერეთში სახელმწიფო რწმუნებული-გუბერნატორის პირველმა მოადგილე პაატა ნადირაძემ,ვანის მუნიციპალიტეტის გამგებელმა ზაზა ხურციძემ და მოადგილე მინდია ტაბიძემ პირადად მიიღეს მონაწილეობა.
ეტლების ძირითადი ნაწილი გამგეობის შენობიდან გაიცა შშმ პირთა ოჯახის წევრებზე,ხოლო ვინც გამგეობის შენობაში მოსვლა ვერ შეძლო მათ ინვალიდის ეტლები იმერეთის სამხარეო ადმინისტრაციის და ადგილობრივი ხელისუფლების წარმომადგენლებმა სახლში მიუტანეს.
აღნიშნულ პროექტს ახორციელებს საერთაშორისო ასოციაცია „ქალები სიცოცხლისა და მშვიდობისთვის“,რომელსაც ამერიკული ჰუმანიტარული დონორი ორგანიზაცია „ელ-დი-ეს ჩერითის“ თანამონაწილეობით საქართველოში სხვა მრავალი საქველმოქმედო პროექტი აქვს განხორციელებული.
მნიშვნელოვანია აღინიშნოს ,რომ ეტლით მოსარგებლე ბენეფიციარებს წინასწარ აუღეს ზომები, ეტლის მორგების ყველა ნიუანსის გათვალისწინებით.
ყველა ეტლი, რომელიც ვანის მუნიციპალიტეტის მასშტაბით მცხოვრებ შშმ პირებს გადაეცათ, აკმაყოფილებს ეტლის სწორად მორგების ძირითად პრინციპებს
