ვანის მუნიციპალიტეტის გამგეობის სააქტო დარბაზში გამგებელი ზაზა ხურციძე ადმინისტრაციულ ერთეულში თავის წარმომადგენლებს შეხვდა და საგაზაფხულო სამუშაოების მიმდინარეობის შესახებ ინფორმაცია მოისმინა.
შეხვედრას ესწრებოდნენ : გამგებელი ზაზა ხურციძე, გამგებლის წარმომადგენლებთან კოორდინაციის განყოფილების უფროსი ავთანდილ ხელაძე, შ პ ს. მექანიზატორის მენეჯერი კოტე ნაცვლიშვილი და სოფლის მეურნეობის საინფორმაციო-საკონსულტაციო სამსახურის უფროსი ივანე სანადირაძე.
რგორც სამტრედიის შ პ ს „მექანიზატორი“-ს მენეჯერი კოტე ნაცვლიშვილი აცხადებს:- ამ მომენტისთვის 222 ჰექტარი მიწის ნაკვეთი უკვე დაიხნა,უახლოეს დღებში 15 ერთეული ტექნიკა შემოვა ვანის მუნიციპალიტეტში რაც საბოლოო ჯამში, სახნავ-სათესი სამუშაოების დროულად დასრულებას შეუწყობს ხელს.
შეხვედრაზე ასევე სოფლის მხარდაჭერის პროგრამის მიმდინარეობაზე იმსჯელეს.
როგორც გამგებლის წარმომადგენლები აცხადებენ ,პროგრამის ფარგლებში განსახორციელებელი ყველა პროექტი ადგილობრივ მოსახლეობასთან შეთნხმებით ხორციელდება.
ვანის მუნიციპალიტეტის გამგეობის ინფრასტრუქტურის განვითარების სამსახურის უფროსის მამუკა ნამიჭეიშვილის თქმით:- „მიმდინარეობს სოფლის მხარდაჭერის პროგრამის ფარგლებში შესასრულებელ სამუშაოებზე პროექტების მომზადება,მომავალი კვირის ბოლოს უკვე გამოცხადდება ტენდერები,გამარჯვებულების გამოვლენის შემდეგ კი ინტენსიურად დაიწყება სამუშაოები მთელი მუნიციპალიტეტის მასშტაბით“ .
