ვანის მუნიციპალიტეტის სოფელ სალხინოში მიმდინარე წყალგაყვანილობის სარეაბილიტაციო სამუშაოები საქართველოს გაერთიანებული წყალმომარაგების კომპანიის დირექტორმა გიორგი კობერიძემ დაათვალიერა.
სალხინოში ჩაიდო წყალმომარაგების ახალი ქსელი რომელიც 162 აბონენტს მოემსახურება.
სასმელი და სარწყავი წყლის პრობლემა სოფელში უკვე ერთი ათეული წელია არსებობს აღნიშნული პროექტის განხორციელებით კი სოფელ სალხინოს მოსახლეობას წყლის პრობლემა აღარ შეაწუხებს.
როგორც საქართველოს გაერთიანებული წყალმომარაგების კომპანიის ვანის სერვისცენტრის მენეჯერმა გიგა ხურციძემ განაცხადა :
„ 2016 წელს მოწესრიგდა და ახალი ქსელი ჩაიდო სოფელ სალხინოში რომელიც მოემსახურება 162 აბონენტს. თავისუფლების ქუჩაზე მოეწყო 1200 გრძივი მეტრი წყალმომარაგების ქსელი რომელიც მოემსახურება 70 აბონენტს, ასევევ თავისუფლების ქუჩაზე საერთო საცხოვრებლებში 130 აბონენტის წყალმომარაგებით უზრუნველყოფა განხორციელდა. უახლოეს დღეებში კი დასრულდება სოლომონ მეორის და კეკელიძის ქუჩებზე მიმდინარე სამუშაოები რაც 50 აბონენტს წყალმომარაგებით უზრუნველჰყოფს. საერთო ჯამში საქართველოს გაერთიანებული წყამომარაგების კომპანიის მიერ 2016 წელს ვანის მუნიციპალიტეტში 400 აბონენტის წყალმომარაგებით უზრუნველყოფა განხორციელდა.“
როგორც კომპანიაში აცხადებენ ვანში მიმდინარე სამუშაოები დეკემბრის ბოლომდე დასრულდება.
