დღეს ვანის მუნიციპალიტეტში ვანის და ბაღდათის ეპარქიისა და მიტროპოლიტ ანტონის მოღვაწეობის 20 წლის იუბილე აღინიშნა.
ეპარქიის საიუბილეო თარიღთან დაკავშირებით ლევან გერსამიას სახელობის კულტურის ცენტრის სცენაზე ხონის სახალხო თეატრის მიერ წარმოდგენილი იქნა სპექტაკლი ლაშა თაბუკაშვილის პიესის მიხედვით „ნატაძრალზე“, პეტრე ჩარგეიშვილის რეჟისორობით.
სპექტაკლის დაწყებამდე სცენიდან მიესალმა საზოგადოებას ვანის და ბაღდათის მიტროპოლიტი მეუფე ანტონი,რომელმაც ვანის და ბაღდათის ეპარქიის მრევლს მიულოცა ეს ღირსშესანიშნავი თარიღი და რწმენაში განმტკიცება უსურვა.
ასევე სცენიდან მიულოცა საიუბილეო თარიღი შეკრებილ საზოგადოებას ვანის მუნიციპალიტეტის გამგებელმა ზაზა ხურციძემ და ვანის და ხონის გაერთიანებული ოლქის მაჟორიტარმა დეპუტატმა გრიგოლ ლილუაშვილმა.
ვანის კულტურის ცენტრში გამართულ სპექტაკლს ადგილობრივი ხელისუფლების წარმომადგენლები,სასულიერო პირები და საზოგადოების სხვა წევრები დაესწრნენ.
დღევანდელ დღესთან დაკავშირებით ქალაქ ვანში და სალხინოს ადმინისტრაციული ერთეულის სოფელ ზენობანში ორი ახალი, მართლმადიდებლური ტაძრის მშენებლობას ჩაეყარა საფუძველი.
ვანის მუნიციპალიტეტის გამგეობა ულოცავს ვანის და ბაღდათის ეპარქიას ამ საიუბილეო თარიღს და ტაძართა სიმრავლეს უსურვებს
.
