21 ოქტომბერს ვანში გაიმართა ტრადიციული საჭადრაკო ტურნირი „ნინო ხურციძის მემორიალი 2023“, რომელშიც მონაწილეობდა საქართველოს 13 მუნიციპალიტეტის (ვანი, ქუთაისი, ზესტაფონი, ლანჩხუთი, ფოთი, სენაკი, ზუგდიდი, ხონი, თერჯოლა, სამტრედია, ხაშური, გორი და ლაგოდეხი) წარმომადგენელი 152 მოჭადრაკე.
ტურნირის ორგანიზატორები იყვნენ ვანის მუნიციპალიტეტის მერია და საკრებულო, იმერეთისა და ვანის ჭადრაკის ფედერაციები. ტურნირი ჩატარდა შვეიცარიული სისტემით შვიდ ტურად (მთავარი მსაჯი – ალექსანდრე არსენიძე), რის შედეგადაც გამოვლინდნენ გამარჯვებულები ასაკობრივი კატეგორიების მიხედვით:
9 წლამდე ასაკის გოგონები: 1. დოგრაშვილი მართა (ქუთაისი); 2. სვანაძე ლილე (ქუთაისი); 3. ჯიჯიშვილი მარიამი (გორი).
9 წლამდე ასაკის ჭაბუკები: 1. წულაია გიორგი (ფოთი); 2. ჯახაია ანდრია (ზუგდიდი); 3. მალანია რომა (სენაკი).
11 წლამდე ასაკის გოგონები: 1. კვირკველია ანასტასია (ლანჩხუთი); 2. გიორგაძე მარიამი (ქუთაისი); 3. ლიპარტია ნინო (ფოთი).
11 წლამდე ასაკის ჭაბუკები: 1. ცივაძე რევაზი (ქუთაისი); 2. ღონიაძე დანიელი (ქუთაისი); 3. თარგამაძე ალექსანდრე (ფოთი).
13 წლამდე ასაკის გოგონები: 1. ჭიჭინაძე ანასტასია (ქუთაისი); 2. ფირცხალაიშვილი ლილე (ლანჩხუთი); 3. ლიპარტია იზოლდა (ფოთი).
13 წლამდე ასაკის ჭაბუკები: 1. ჩანქსელიანი დავითი (ხონი); 2. კაჭახიძე ნიკოლოზი (ქუთაისი); 3. შამათავა იოსები (სენაკი).
ღია ტურნირი: 1. ცხადაძე გიორგი (ქუთაისი); 2. შაპოვალოვი ვასიკო (ვანი); 3. ალალიძე საბა (ზესტაფონი).
ღია ტურნირის საუკეთესო შედეგები ქალთა შორის: 1. ქუთათელაძე ანასტასია (ქუთაისი); 2. გუნია ნინო (ლანჩხუთი); 3. ლიმარი მარია (ლაგოდეხი).
გამარჯვებულთა დაჯილდოება ნინო ხურციძის სახელობის ვანის საჭადრაკო კლუბში შედგა, რომელსაც ესწრებოდნენ საქართველოს ჭადრაკის ფედერაციის პირველი ვიცე-პრეზიდენტი, საერთაშორისო დიდოსტატი გიორგი გიორგაძე, ნინო ხურციძის მშობლები და მისი ვაჟი დავით მორჩიაშვილი, იმერეთის ჭადრაკის ფედერაციის გენერალური მდივანი, ტურნირის მთავარი მსაჯი – ალექსანდრე არსენიძე, ვანის მუნიციპალიტეტის მერის მოადგილე ვლადიმერ ხელაძე, ვანის მუნიციპალიტეტის საკრებულოს თავმჯდომარის პირველი მოადგილე და ვანის ჭადრაკის ფედერაციის თავმჯდომარე გიორგი ივანიაძე, ადგილობრივი ხელისუფლების სხვა წარმომადგენლები.
ტურნირის გამარჯვებულები დაჯილდოვდნენ საპატიო სიგელებით, მედლებით და ფულადი პრიზებით; ჩემპიონებს გადაეცათ თასებიც.
რაც შეეხება კონკურსს მწვრთნელთა შორის, მოსწავლეთა მიერ ნაჩვენები შედეგების მიხედვით ფულადი პრიზებით დაჯილდოვდნენ: 1. ჩაჩუა გოჩა (ფოთი); 2-5: მენაბდე გიორგი, ტყეშელაშვილი გიორგი, ჭეფხოძე ნანა (სამივე – ქუთაისი), ხუხუნაიშვილი ადამი (ლანჩხუთი).
