დღეს ვანის მუნიციპალიტეტის გამგეობის სააქტო დარბაზში ინფრასტრუქტურის განვითარების სამინისტროს და იმერეთის გუბერნატორის ადმინისტრაციის წარმომადგენლებმა კობა ქიბაძემ და იუზა უგულავამ. შეხვედრა გამართა გამგეობის სამსახურის უფროსებთან და გამგებლის წარმომადგენლებთან ადმინისტრაციულ ერთულებში.
შეხვედრას ესწრებოდნენ: გამგებლის პირველი მოადგილე ლაშა გიორგაძე, გამგებლის თანაშემწე გენდერული თანასწორობის საკითხებში ნათია ძოძუაშვილი და გამგებლის წარმომადგენლებთან კოორდინაციის განყოფილების უფროსი ავთანდილ ხელაძე. შეხვედრაზე განიხილეს სოფლის მხარდაჭრის პროგრამით განსახორციელებელი საკითხები.
საუბარი შეეხო სოფლებში შეხვედრების დაგეგმვასა და პრიორიტეტების წარმოჩენას, ასევე გენდერული თანასწორობის საკითხებს, რადგან მნიშვნელოვანია პრიორიტეტების განსაზღვრაში მამაკაცებმა და ქალბატონებმა თანაბარი მონაწილეობა მიიღონ.
როგორც გამგებლის მოადგილემ ლაშა გიორგაძემ აღნიშნა : – წელს უმჯობესი იქნება პრიორიტეტად მივიჩნიოთ სოფლებში საბავშვო ბაღების მოწესრიგება ,მათი აღჭურვა გათბობით და სველი წერტილებით რათა ყველა ბაღში დაცული იქნეს ბავშვის განვითარებისთვის აუცილებელი სანიტარულ-ჰიგიენური ნორმები, ამით ჩვენ ხელს შევუწყობთ მომავალი თაობის ნორმალურ სოციალურ ფუნქციონირებას და ადგილობრივ მოსახლეობას მივცემთ სტიმულს არ მიატოვოს სოფელი .
სოფლის მხარდაჭერის პროგრამის ფარგლებში, პრიორიტეტების დაგეგმვის მიზნით მოსახლეობასთან შეხვედრები პირველი მარტიდან დაიწყება.
