მ/წლის 16 მარტს გაიმართა ვანის მუნიციპალიტეტის საკრებულოს მორიგი სხდომა, რომელსაც საკრებულოს თავმჯდომარე ალექსანდრე ლილუაშვილი უძღვებოდა. სხდომაზე განხილულ იქნა დღის წესრიგით გათვალისწინებული 6 საკითხი:
ცვლილება შევიდა ვანის მუნიციპალიტეტის 2022 წლის ბიუჯეტში, რის შედეგადაც ბიუჯეტის ხარჯვითი ნაწილის მოცულობამ 18 მილიონ ლარს გადააჭარბა;დაზუსტდა 2022 წლის სოციალური პროგრამები. კერძოდ: ცვლილებები შევიდა „ახალშობილთა დახმარების“, „მრავალშვილიანი ოჯახების დახმარებისა“ და „ქრონიკული დაავადებების მქონე პირთა დახმარების პროგრამებში“;ცვლილება შევიდა „ვანის მუნიციპალიტეტის მერიის პოლიტიკურ თანამდებობის პირთა, პროფესიულ საჯარო მოხელეთა საშტატო ნუსხის, თანამდებობრივი სარგოების ოდენობების დამტკიცებისა და ხელშეკრულებით დასაქმებულ პირთა რაოდენობის და შრომითი ანაზღაურების განსაზღვრის შესახებ“ ვანის მუნიციპალიტეტის საკრებულოს 2017 წლის 28 დეკემბერის N40 დადგენილებაში, რის შედეგადაც მერიის საშტატო ნუსხას დაემატა ერთი საშტატო ერთეული (სოციალური მუშაკის);საკრებულომ დაამტკიცა „მაღალი სპორტული შედეგების მქონე სპორტსმენების და მათი მწვრთნელების წახალისების მიზნით ფულადი ჯილდოს გაცემის წესი“ და ვანის მუნიციპალიტეტში გენდერული თანასწორობის პოლიტიკის განხორციელების ღონისძიებათა 2022 წლის სამოქმედო გეგმა;საკრებულომ ასევე მიიღო განკარგულება „ვანის მუნიციპალიტეტის საკრებულოს წევრების, გარდა საკრებულოს პოლიტიკური თანამდებობის პირებისა, ხარჯების ანაზღაურების თაობაზე“;
სხდომის დასაწყისში საკრებულოს წევრებმა სოლიდარობა უკრაინას და წუთიერი დუმილით პატივი მიაგეს ომში დაღუპული ადამიანების ხსოვნას.
