ვანის მუნიციპალიტეტის ფერეთას ადმინისტრაციულ ერთეულში, ტურისტულ ლოკაციამდე მისასვლელი საავტომობილო გზის რეაბილიტაცია ხორციელდება. მიმდინარე სამუშაოებს ადგილზე გაეცნენ ვანის მუნიციპალიტეტის მერი ალექსანდრე გოგორიშვილი და მერის პირველი მოადგილე გოჩა ჭუბაბრია.აღნიშნული გზის აღდგენაზე, ტენდერში გამარჯვებული კომპანია შპს „ჯორჯიან ბილდი“ მუშაობს.პროექტს აფინანსებს, საპილოტე რეგიონების ინტეგრირებული განვითარების პროგრამა.სპეციალისტების განცხადებით, ფერეთაში საავტომობილო გზის რეაბილიტაციის პროცესი, ვადების დაცვით, ხარისხიანად ხორციელდება.
